SOCAR metanol zavodu hasilatı 2 dəfə, ixrac 10% artırıb
27.03.2024 15:41
"SOCAR Methanol” MMC 2024-cü ilin yanvar-fevralında 94,9 min ton metanol istehsal edib ki, bu da 2023-cü ilin analoji dövrünün göstəricisindən 2 dəfə çoxdur. Bu barədə Dövlət Statistika Komitəsi məlumat verib.
Bundan başqa, 2024-cü il yanvarın 1-nə müəssisənin anbarlarında 22,3 min ton hazır məhsul olub.
Azərbaycan Dövlət Gömrük Komitəsinin məlumatına görə, SOCAR Methanol 2024-cü ilin yanvar-fevralında 82 min 400,7 ton (artım 10%və ya ) 15 milyon 697,79 min dollar məbləğində metanol ixrac edib.
2024-cü ilin yanvar-fevralında Azərbaycandan ixracın ümumi həcmində metanolun payı 0,33 faiz, qeyri-neft məhsullarının ixracının həcmində isə 3,45 faiz təşkil edib.
2023-cü ildə "SOCAR Methanol” MMC 494,6 min ton metanol hasil edib, 501 min 571,52 ton ixrac edib.
Bakının Qaradağ rayonunda yerləşən Azərbaycan metanol zavodunu AzMeCo şirkəti tikib. Zavodun tikintisinə AzMeCo-nun sərmayələri təqribən 500 milyon dollar təşkil edib.Zavodun istehsal gücü ildə 720 min ton metil spirti təşkil edir.
SOCAR zavodu məhkəmənin qərarı ilə Azərbaycan Beynəlxalq Bankından sərəncamında olan "Aqrarkredit” QSC-dən 810 milyon manata alıb.
N.Təbrizli
www.anews.az
Foto 
Video 
