Alimlərin elmi göstəriciləri və nəticələri təhlil olunur

Hazırda son 3-5 ildə elmi nailiyyətləri yüksək olan alimlərin fəaliyyətləri araşdırılır. Bunu Elm və Ali Təhsil üzrə Dövlət Agentliyinin Elmi Müəssisələrlə İş Şöbəsinin müdiri Mübariz Hacıyev deyib. 


"Son 3-5 ildə nəticələri yüksək olan şəxslərin elmmetrik göstəriciləri təhlil olunur. Elm və Təhsil Nazirliyinin tabeliyində olan ayrı-ayrı elmi-tədqiqat institutlarının fəaliyyəti qiymətlədirilir və orada çalışan alimlərin nəticələri diqqətlə izlənilir və müxtəlif reytinqlərə təsir imkanları baxılır",- Hacıyev jurnalistlərə açıqlamasında bildirib.

 

Agentlik rəsmisi vurğulayıb ki, hazırda Elmi Tədqiqat İnstitutlarında 8 minə yaxın şəxs çalışır, onların 5 minə yaxını sırf elmi araşdırmalarla məşğuldur. 

  

Bundan əvvəl elm və təhsil naziri Emin Əmrullayev bildirib ki,  son 5 ildə yazı yazmayan alimə alim kimi yanaşmaq doğru deyil.