Si Cinpin Azərbaycanla əlaqələr haqqında
20.12.2024 19:10
Çin Xalq Respublikasının Sədri Si Cinpin Azərbaycan Prezidenti İlham Əliyevə ad günü münasibətilə təbrik məktubu göndərib. Bu barədə dövlət başçısının rəsmi saytı məlumat yayıb.
"Mənim və Sizin birgə rəhbərliyiniz altında son illərdə Çin-Azərbaycan əlaqələri yüksək səviyyəli təmasların intensivliyi, siyasi qarşılıqlı inamın möhkəmliyi və beynəlxalq arenada səmərəli əməkdaşlıq kimi xüsusiyyətləri ilə uğurla və sabit şəkildə inkişaf etməyə davam edir.
Tərəflər "Bir Kəmər, Bir Yol" təşəbbüsü çərçivəsində yüksək keyfiyyətli birgə tikinti sahəsində mühüm nəticələr əldə ediblər. Bu ilin iyul ayında biz ikitərəfli münasibətləri strateji tərəfdaşlıq səviyyəsinə yüksəltdiyimizi elan etdik və bununla da Çin-Azərbaycan əlaqələrinin inkişafı tarixində yeni bir səhifə açdıq.
Mən Çin ilə Azərbaycan arasındakı münasibətlərin inkişafına böyük əhəmiyyət verirəm və iki ölkə xalqlarının rifahı naminə ikitərəfli əlaqələri yüksək səviyyədə inkişaf etdirmək üçün Sizinlə birgə çalışmağa hazıram," – məktubda deyilir.
N.Təbrizli
4o
O
www.anews.az
Foto 
Video 
