Zamanında qadınların sözünə baxılsaydı, bəlkə də müharibələr olmazdı - Deputat

Dünyada elə ölkələr var ki, orada qadınların dövlətdə idarəçiliyi 3-4 faizin üzərindədir. Bunu Milli Məclisin deputatı Mübariz Qurbanlı 2025 "Konstitusiya və suverenlik" ili "Qadın iştirakçılığının təbliği" konfransında çıxışı zamanı deyib.

" Azərbaycanda qadınların dövlət idarəçiliyində rolu yüksəkdir. Elə ölkələr var ki, qadınların rolu orada 3-4 faizin üzərindədir. Parlamentin hazırda 25 qadın deputatı var. Spiker xanımdır. Birinci vitse -prezident vəzifəsini xanım idarə edir. Bunlar onu göstərir ki, Azərbaycanda qadınlar dövlət idarəetmələrində uğurlu vəzifə icra edirlər", - deputat bildirib. 

Qurbanlı həmçinin məişət zorakılığını dünyanın qlobal problemi adlandırıb. 

"Məişət zorakılığı dünyanın problemidir. Ailə instititu özü inkişaf edir. Nəzərə alaq ki, dünyanın çağırışları dəyişir. Zamanında qadınların sözünə baxılsaydı bəlkə də dünyada müharibələr olmazdı", - Qurbanlı əlavə edib. 

Gülnar Nazimqızı