Milli Məclisdə səfərbərliklə bağlı ictimai dinləmə keçiriləcək

Milli Məclisinin Müdafiə, təhlükəsizlik və korrupsiya ilə mübarizə komitəsi 2026-cı ilin yaz sessiyası üçün iş planında bir sıra qanunvericilik təşəbbüsləri və təşkilati tədbirlər nəzərdə tutub.

İş planına əsasən, sessiya dövründə Azərbaycan qanunvericiliyinə dəyişiklikləri əhatə edən qanun layihələrinin hazırlanması və müzakirəsi, habelə hərbi səfərbərlik və hərbi xidmətkeçmə ilə bağlı ictimai dinləmənin keçirilməsi planlaşdırılır.

Sənəddə komitəyə daxil olan qanun layihələrinin iclaslara çıxarılması, müzakirəsi və müvafiq qərarların qəbul edilməsi, dövlət qurumlarından və vətəndaşlardan daxil olan təkliflərin təhlili və ümumiləşdirilməsi, eləcə də vətəndaş müraciətlərinə baxılması nəzərdə tutulur.

Gülnar Nazimqızı