İlham Əliyev ikinci neft bumundan danışdı, Avropa investisiyalarının azlığını tənqid etdi

Beynəlxalq enerji şirkətlərinin kəşfiyyat layihələri uğurlu olarsa, Azərbaycan "ikinci çox əhəmiyyətli neft bumu" yaşaya bilər. Bu barədə Prezident İlham Əliyev Dünya İqtisadi Forumu çərçivəsində bildirib.

Dövlət başçısı qeyd edib ki, ölkədə qaz hasilatı artsa da, neft hasilatını stabilləşdirmək üçün konkret planlar mövcuddur.

Prezident Avropa şirkətlərinin həm qalıq yanacaq, həm də bərpa olunan enerji sahəsinə investisiya yatırmaqda maraqlı olmamasından təəssüfünü ifadə edib.

O, yaşıl enerji sahəsində əsas tərəfdaşların BƏƏ, Səudiyyə Ərəbistanı, Çin və Böyük Britaniya olduğunu vurğulayıb.

Əliyev bildirib ki, 2025-ci ildə Azərbaycanın ixrac etdiyi 25 milyard kubmetrdən çox qazın təxminən 13 milyard kubmetri Avropaya göndərilib.

Enerji layihələrinə baxmayaraq, əsas üstünlüyün qeyri-neft sektoruna verildiyini deyən dövlət başçısı, ekoloji məsuliyyətin vacibliyini qeyd edib.

N.Təbrizli