Fariz İsmayılzadə: Səfirlikləri bu dinləmələrə cəlb etmək faydalı olar

Deputat Fariz İsmayılzadə regional dəhlizlər və qeyri-neft sektoru istiqamətində səfirliklərlə birgə dinləmələrin keçirilməsini təklif edib. Bu barədə deputat Beynəlxalq münasibətlər və parlamentlərarası əlaqələr komitəsində çıxışı zamanı bildirib. 

İsmayılzadə qeyd edib ki, birinci dinləmə regionda inkişaf edən nəqliyyat dəhlizləri mövzusuna həsr oluna bilər.

O bildirib ki, Azərbaycanın təşəbbüsü ilə regionda aparılan layihələr böyük əhəmiyyət daşıyır və ictimaiyyət bu məsələlərdən məlumatlandırılmalıdır.

İkinci dinləmə qeyri-neft sektorunun inkişafı və səfirliklərin iqtisadi diplomatiyada rolu mövzusunda keçirilə bilər. Deputat vurğulayıb ki, Azərbaycana sərmayə və turizm cəlb etmək məqsədilə səfirliklərin bu prosesə aktiv cəlb olunması vacibdir.

Fariz İsmayılzadə bildirib ki, dinləmələr həm ictimai rəyin formalaşdırılmasına, həm də Azərbaycan diplomatiyasının effektivliyinin artırılmasına xidmət edəcək.

Gülnar Nazimqızı