Boşanmaların 70%-nin təşəbbüskarı qadınlardır

Boşanmaların 70%-nin təşəbbüskarı qadınlardır. Bunu Ailə,qadın və Uşaq Problemləri üzrə Dövlət Komitəsinin Hüquqi təminat şöbəsninin müdiri Taliyə İbrahimova deyib. 

"Bir çox statstikalar bizi narahat edir. Boşanmaların təşəbbüskarının 70% qadınlardır. Onlar xasiyyətlərinin uyğun gəlmədiklərini əsas gətirirlər. Bundan başqa üçuşaqlı ailələrin sayı azalır. Qanunvericilikdə nəzərdə tutulan 5 uşaqlı ailələrin sayının azaldılmasına ehtiyac duyulur. Abortların sayı çoxalır. Doğulan uşaqların cins nisbətində ciddi problemlər var ki, bu da öz mənfi təsirlərini zamanla göstərəcək. Ölkədə 15% uşaq nigahdankənar doğulur. Anamaniya ilə doğulan uşaqların sayında 65% artım var", - İbrahimova  Milli Məclisin Ailə, qadın və uşaq məsələləri komitəsinin təşkil etdiyi“Konstitusiya və Suverenlik İli” çərçivəsində “Ailə, qadın və uşaq hüquqları – konstitusion hüquqların əsas prioriteti kimi” mövzusunda ictimai dinləmədə çıxışı zamanı deyib. 

Dövlət Komitəsinin rəsmisi bildirilib ki, yaxın zamanlarda uşaqların hüquqlarının qorunması haqqında yeni qanun təqdim olunacaq. 

Gülnar Nazimqızı