Volkswagen Alman ordusu üçün silah istehsal edəcək

Volkswagen şirkəti Avropanın yenidən silahlanma səyləri çərçivəsində Almaniya silahlı qüvvələri üçün avadanlıqların yaradılması imkanını nəzərdən keçirməyə hazır olduğunu açıqlayıb. Bu barədə The Telegraph yazır.

Avropanın ən böyük avtomobil istehsalçısının baş direktoru Oliver Blume bildirib ki, şirkət hələlik potensial tərəfdaşlara yaxınlaşmayıb, lakin “konseptlərlə tanış olmağa” hazırdır. Onun sözlərinə görə, hələlik danışıqlar aparılmır, lakin onlar hərbi maşın və digər texnikanın istehsalı imkanlarını nəzərdən keçirməyə hazırdırlar. 

ABŞ-ın Donald Tramp dövründə Avropa müttəfiqlərinə dəstəyini azaltması ilə bağlı narahatlıqlar fonunda şirkət müdafiə imkanlarını gücləndirməyə çalışır.

Bu variant avtomobil ixracının 50% azalması səbəbindən nəzərdən keçirilir ki, bu da zavodların sərbəst istehsal güclərindən istifadə etməyə imkan verir. Bundan əlavə, bu, Avropanın yenidən silahlanma səyləri çərçivəsində çox faydalı olacaq.

Rheinmetall və KDS Group kimi şirkətlər öz fabriklərini avtomobil hissələri istehsalından silah və hərbi texnika istehsalına çevirir.

Aytac