Bəzi rayonlarda qızların təhsil alması ilə bağlı qadağalar var - Deputat

Bəzi rayonlarda hələ də qızların təhsil alması ilə bağlı qadağalar var. Bunu Milli Məclisin deputatı Azər Allahverənov deyib. 

"Bəzi mentalilet dəyərləri qanunlar üçün müəyyən problemlər yaradır. Məsələn bəzi rayonlarda qızların təhsil almasında qadağalar var. Nə qədər müqavimət göstərsək ki, bu problem olaraq qalır. Maarifləndirmənin gücləndirməsinə daha da ehtiyac var", - deputat Milli Məclisin Ailə, qadın və uşaq məsələləri komitəsinin təşkil etdiyi“Konstitusiya və Suverenlik İli” çərçivəsində “Ailə, qadın və uşaq hüquqları – konstitusion hüquqların əsas prioriteti kimi” mövzusunda ictimai dinləmədə çıxışı zamanı deyib. 

Deputat vurğulayıb ki, psixoloji yardımların olması da çox vacibdir və bu prosesdə QHT və dövlət qurumlarının birgə iştirakı olduqca əhəmiyyətlidir. 

Gülnar Nazimqızı