Deputat təklif edir ki, sahibsiz itlərlə bağlı yeni qanun qəbul edilsin

Sahibsiz heyvanlar üçün qanunda olan boşluqları aradan qaldırmağa və ya yeni qanun qəbul etməyə ehtiyac var. Bunu Milli Məclisin deputatı Naqif Həmzəyev deyib. 

"Şəhər və rayonlarda sahibsiz heyvanlar üçün problemlər aktual olaraq qalır. Bu cür heyvanlar üçün heç bir sığınacaq yoxdur. Bu da ciddi problemlər yaradır. Qanunvericilikdə olan boşluqları aradan qaldırmağa və ya yeni qanun qəbul etməyə ehtiyac var. Yeni sığınacaqlar yaradılanda orada heyvanların tibbi xidmətləri də nəzərə alınmalıdır. Ən əsası isə bu işi həvalə edəcək qurumun adı bəlli olmalıdır", - deputat aprelin 1-də Milli Məclisdə çıxışı zamanı deyib. 

Deputat təklif edib ki, Paralmentdə sahibsiz itlərə həsr edilən ictimai dinləmə keçirilsin.

Gülnar Nazimqızı