PASHA Holding və SOCAR IE Executive Education proqramlarını təqdim edəcək

PASA Holding və SOCAR oktyabrın sonunda Azərbaycanda IE Executive Education proqramlarını təqdim etməyi planlaşdırır. Bu barədə PASHA Holding-in baş icraçı direktoru Cəlal Qasımov Bakıda keçirilən CAMCA 2026 Regional Forumunda bildirib.

Qasımovun sözlərinə görə, PASHA Holding təhsilə çıxışın genişləndirilməsi və sahibkarlığın inkişafına yönəlmiş bir sıra təşəbbüslər həyata keçirir.

“Biz bu yaxınlarda SOCAR və tərəfdaşımız, dünyanın ən yaxşı biznes məktəblərindən biri olan IE Business School ilə birlikdə Bakıda MBA proqramına başlamışıq”, -  o bildirib.

O qeyd edib ki, əvvəlcə proqram iki şirkətin əməkdaşları üçün korporativ təşəbbüs kimi nəzərdə tutulub, lakin sonradan onun geniş ictimaiyyət üçün açıq olması qərara alınıb.

Qasımov bildirib ki, proqramın Azərbaycanda keçirilməsi iştirakçılara İspaniyaya gedərək eyni MBA proqramında təhsil almaqla müqayisədə daha aşağı xərclə eyni dərəcə və təhsil keyfiyyəti əldə etməyə imkan verəcək.

O əlavə edib ki, PASHA Holding və SOCAR oktyabrın sonunda Azərbaycanda IE Executive Education proqramlarını təqdim etməyi planlaşdırır.

“Bunu Azərbaycana gətirməklə ölkə əhalisi, eləcə də qonşu ölkələrin sakinləri üçün təhsili daha əlçatan və ucuz edirik. Məsələn, Mərkəzi Asiyadan olan insanlar üçün iki həftə burada təhsil almaq Avropaya uçaraq eyni proqramda iştirak etməkdən daha ucuzdur”, - Qasımov bildirib.

Aytac