Melburn Universitetində təhsil alan azərbaycanlı tələbənin təhsil haqqı tam ödənilib

Melburn Universitetində Bədii və Sənədli Filmlər üzrə Prodüserlik magistr proqramında təhsil alan azərbaycanlı tələbə Afaq Yusiflinin təhsil haqqı tam şəkildə ödənilib. Bu barədə Azərbaycan Respublikasının Kino Agentliyi məlumat yayıb.

Agentlik bildirib ki, Afaq Yusiflinin təhsil haqqının ödənilməsi prosesi tam başa çatıb.

“Vəsaitin qalan hissəsi Azərbaycan Respublikasının Mədəniyyət Nazirliyi və onun tabeliyindəki Kino Agentliyi tərəfindən Melburn Universitetinin hesabına köçürülüb”, -  məlumatda qeyd olunub.

Afaq Yusiflinin Melburn Universitetində magistratura təhsili üçün təhsil haqqının ödənilməsi ilə bağlı məsələ daha əvvəl ictimai müzakirəyə çıxarılmışdı. Son qərarla tələbənin təhsil haqqının qalan hissəsinin də ödənilməsi təmin edilib.