Bəzi ixtisaslar üzrə xaricdə təhsil alan mütəxəssislərə ehtiyac var - Deputat

Xaricdə  dəqiq elmlər informasiya texnologiyaları, süni intellekt səhiyyə və səhiyyə idarəçiliyi sahəsində təhsil alan mütəxəssisələrə ehtiyac var. Bunu Milli Məclisin deputatı Müşfiq Məmmədli deyib. 

Deputat hesab edir ki, bu ixtisaslar üzrə oxuyan gənclər real sektorun inkişafına dəstək olacaq. 

"Magistratura və doktorantura pilləsində təhsil almış bu gənclərin Azərbaycan elminin inkişafına verəcəyi töhfələr şübhəsizdir. Bu mütəxəssislərin Azərbaycan universitetlərində elmi və akademik fəaliyyətə cəlb olunması mühümdür. Bu gələcəkdə yerli universitetlərin ixtisaslı kadr hazırlığında mühüm rol oynayacaq", - deputat bildirib. 

"Azərbaycan gənclərinin xarici ölkələrdə təhsili üzrə Dövlət Proqramı" 2022-2026-cı illəri əhatə edir. 

Prezidentin son sərəncamından sonra xaricdə təhsil proqramında təhsil alan gənclərin sayı 500-ə çatdırılıb. 

Gənclər dövlət büdcəsi hesabına dünyanın aparıcı universitetlərində təhsil almaq hüququ qazanır. 

Gülnar Nazimqızı