Sankt-Peterburqda Millerin tarixi malikanəsi yanır

Sankt-Peterburqun mərkəzində, İsaakiyevskaya meydanında yerləşən tarixi Miller malikanəsində güclü yanğın baş verib.Bu barədə Rusiya Fövqəladə Hallar Nazirliyinin Sankt-Peterburq üzrə Baş İdarəsi xəbər verir.

Yanğına mürəkkəblik üzrə üçüncü dərəcə verilib.

Yanğın təxminən 2 min kvadratmetr ərazini əhatə edib. Söndürmə işlərinə 125 nəfər və 25 texnika cəlb olunub.

Yanğın barədə məlumat yerli vaxtla saat 20:11-də İsaakiyevskaya meydanı, 3 ünvanındakı binada daxil olub. İlkin olaraq alov binanın birinci və ikinci mərtəbələrini əhatə edib.

İlkin məlumatlara görə, hadisə nəticəsində xəsarət alan olmayıb. Binanın damının bir hissəsi də uçub.

Miller malikanəsi regional əhəmiyyətli mədəni irs obyekti hesab olunur. Bina 1879–1880-ci illərdə memar Ferdinand Millerin layihəsi əsasında yenidən qurulub və 2021-ci ildə regional əhəmiyyətli mədəni irs obyektlərinin reyestrinə daxil edilib.