DİN bank kartları ilə bağlı növbəti dəfə vətəndaşlara çağırış edib

Bu gün vətəndaşların bank kartlarından 10725 manat kiber üsulla oğurlanıb.Bu barədə Daxili İşlər Nazirliyinin mətbuat xidmətinin rəisi Elşad Hacıyev “Facebook” hesabında paylaşım edib.

"Bu gün 7450, 1650, 900, 445, 102, 70, 62, 46 manat pul vətəndaşların bank kartlarından kiber üsulla oğurlanıb.Pullar ona görə oğurlanıb ki, məxfilik daşıyan, şəxsi məlumatları naməlum şəxslər aldadıb alıblar. Cinayətkar üçün məbləğin fərqi yoxdur, hesabda nə varsa, talayır. Bir daha xatırladırıq ki, naməlum şəxslərlə bank kartları ilə əlaqəli olan danışıq aparmayın, yazışmayın və bloklayın”,- deyə Hacıyev paylaşımda qeyd edib.