Sumqayıtda 19 nəfər zəhərlənib - Bakterial qida zəhərlənməsi

Sumqayıt Tekstil Fabrikində 19 nəfər qidadan zəhərlənib. 

TƏBİB-dən bildirilib ki, bu gün 16 qadın və 3 kişi olmaqla ümumilikdə 19 nəfər  Sumqayıt Tibb Mərkəzinin nəzdində olan 1 nömrəli Şəhər Xəstəxanasının İnfeksion xəstəliklər şöbəsinə  hospitalizasiya olunub.

Dəqiqləşdirilməmiş bakterial qida zəhərlənməsi diaqnozu ilə onların hər birinə zəruri tibbi yardımlar göstərilib. Hazırda 14 nəfərin müalicəsi davam etdirilir.

Vəziyyətləri qənaətbəxş olan 5 nəfər isə ambulator müalicə üçün evə buraxılıb.