Bu gün bazarlarda tələblərə cavab verməyən kombilər satılır - Deputat

Bu gün bazarlarda standartalara cavab verməyən kombi sistemləri satılır. Bunu Milli Məclisin deputatı Naqif Həmzəyev deyib. 

"Satışda çoxlu sayda kombi sistemləri var ki, tələblərə cavab vermir. Bizə kombilər  Almaniya, İran,Çin və Türkiyədən idxal olunur. Amma mütəxəssisələrlə aydınlaşdıranda məlum olur ki, standartlara cavab vermir. Dövlət Gömrük Komitəsi bu məsələdə diqqətli olmalıdır. Bu həm də artıq sərfiyat yazır. İstilik avadanlıqlarına nəzarət gücləndirilməlidir", - deputat "İstilik təchizatı haqqında" qanuna münasibət bildirərkən deyib. 

Milli Məclisin Təbii Ehtiyatlar,energetika və ekologiya komitəsi ilk dəfə "İstilik təchizatı haqqında" qanunu müzakirə edir. Qanun qəbul olunacağı təqdirdə tətbiqinə 2028-ci ildə başlanılacaq. 

Gülnar Nazimqızı