Bakıda ananın 14 yaşlı qızını əxlaqsızlığa cəlb etdiyi iddiaları araşdırılır

Sosial şəbəkələrdə yayılan məlumatlardan sonra hüquq-mühafizə orqanları Bakının Yasamal rayonu ərazisində bir qadının azyaşlı qızını pul müqabilində əxlaqsızlığa cəlb etməsi ilə bağlı iddiaları araşdırmağa başlayıb.

İddialara görə, qadın 14 yaşlı qızını yaşına uyğun olmayan şəkildə geyindirib, makiyaj etdirərək onu müxtəlif şəxslərlə 500 manat müqabilində cinsi əlaqəyə məcbur edib.

Daxili İşlər Nazirliyindən bildirilib ki, sosial şəbəkələrdə yayılan məlumatlardan sonra qadın və onun azyaşlı qızı polis orqanına dəvət olunub. Qızın ilkin izahatı əsasında məlum olub ki, sosial mediada yayılan məlumatlar həqiqətə uyğun deyil.

Qadının verdiyi izahata görə, yayılan görüntülər üç il əvvəl onun keçmiş həyat yoldaşı tərəfindən çəkilib və hazırda bu şəxslə heç bir əlaqəsi yoxdur.

Bununla belə, yetkinlik yaşına çatmayan şəxslə cinsi əlaqə və digər seksual xarakterli hərəkətlərlə bağlı cinayət işi üzrə araşdırmalar davam etdirilir.

Rəsmi dövlət qurumları hələlik məsələ ilə bağlı açıqlama verməyib.