Bakıda daha 3 məktəb direktoru vəzifəsindən azad edilib

Bakı Təhsil İdarəsinin apardığı monitorinq nəticəsində Bakıda daha üç məktəb direktoru vəzifəsindən azad olunub. Bu barədə qurumun yaydığı açıqlamada deyilir. 

"Paytaxtdakı ümumi təhsil müəssisələrində məktəb idarəetməsi, tədrisin səmərəli təşkili, təhlükəsizlik və nizam-intizam qaydalarına əməl olunması və digər müvafiq istiqamətlər üzrə aparılan monitorinqlər nəticəsində Bakı şəhəri 65 nömrəli tam orta məktəbin direktoru Arzu Miriyev, 298 nömrəli tam orta məktəbin direktoru Xatirə Hacıyeva, 158 nömrəli tam orta məktəbin direktoru Mehriban Ələkbərova ilə bağlanmış əmək müqaviləsinə xitam verilib", - məlumatda deyilir. 

İdarədən bildirilib ki, hər üç ümumi təhsil məktəbinin normal fəaliyyətinin təmin olunması Bakı Şəhəri üzrə Təhsil İdarəsinin nəzarətindədir.