Bu ay Kahramanmaraşda Azərbaycan məhəlləsinin açılışı olacaq - Səfir

Bu ay Türkiyənin Karamanmaraş vilayətində tikilən Azərbaycan məhəlləsinin açılışı olacaq. Bu barədə Türkiyənin Azərbaycandakı səfiri Birol Akgün jurnalistlərə müsahibəsində bildirib. 

Səfir açılışın hələ dəqiq vaxtının müyyyən olunmadığını açıqlayıb. 

Bundan əvvəl mətbuatda xəbərlərdə vurğulanıb ki, Azərbaycan məhəlləsinin açılışında Türkiyə və Azərbaycan prezidentləri Rəcəb Tayyib Ərdoğanla İlham Əliyev də iştirak edəcək.

Azərbaycan tərəfindən ümumilikdə 26 yaşayış binası, 456 mənzil və 328 qeyri yaşayış obyekti tikilib. 

Azərbaycan Türkiyədə zəlzələdən sonra Kahramanmaraş vilayətinə yaşayış binaları və sosial infrastruktur obyektləri tikməsi ilə bağlı Türkiyə ilə saziş imzalayıb. Azərbaycan bu layihə üçün 100 milyon ABŞ dolları vəsait ayırıb. 

Fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub.
 
Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Fevralın 20-də isə Hatay vilayətində 6.4 ballıq növbəti zəlzələ qeydə alınıb. Malatyada da 5.6 ballıq daha bir zəlzələ baş verib.

Türkiyədə zəlzələ nəticəsində həlak olanların sayı 50 500 nəfərə çatıb.

Zəlzələ nəticəsində 115 mindən çox insan yaralanıb. 

Dünyanın 100-ə yaxın ölkəsindən Türkiyəyə dəstək yardımı təklif olunub. Türkiyə prezidenti bildirib ki, bir il ərzində evləri dağılmış insanların evlərini tikib təhvil verəcək. 

Zəlzələdən sonra ölkədə 6 bala yaxına fterşoklar olub. 

BMT Türkiyədə baş verən zəlzələni "Əsrin fəlakəti" kimi qiymətləndirib.
 
Gülnar