Sumqayıtda çoxmərtəbəli binada yanğın baş verib

Sumqayıt şəhərində yanğın hadisəsi qeydə alınıb.

"Report" xəbər verir ki, hadisə 17-ci mikrorayonda yerləşən 9 mərtəbəli yaşayış binasının 3-cü mərtəbəsində baş verib.

Məlumata görə, yanğın 2 otaqlı mənzildə başlayıb. Dərhal əraziyə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikası cəlb olunub.

Hazırda yanğının söndürülməsi istiqamətində tədbirlər davam etdirilir. Yanğının səbəbləri və dəymiş ziyanın miqdarı araşdırılır.