Azərbaycanda vəkillərin sayı artıb

Azərbaycanda fəaliyyət göstərən vəkillərin ümumi sayı 2 777 nəfərə yüksəlib. Bu barədə Vəkillər Kollegiyasının sədri Anar Bağırov cümə axşamı keçirilən andiçmə mərasimində bildirib.

Sədrin sözlərinə görə, “Konstitusiya və Suverenlik İli” çərçivəsində keçirilən tədbirdə daha 77 yeni namizəd and içərək Kollegiyaya üzv qəbul olunub.

Onlardan 59-u kişi, 18-i isə qadındır. Yeni vəkillərin 7-si regionlarda, 70-i isə Bakıda fəaliyyət göstərəcək.

Bağırov qeyd edib ki, 2018-ci ildən bəri vəkilliyə qəbul məqsədilə 15 test imtahanı keçirilib. Bu müddətdə ümumilikdə 6 480 namizəd iştirak edib, onlardan 1 912-si təlim və andiçmə mərhələlərini uğurla tamamlayaraq Kollegiyaya qəbul olunub.

Hazırda qadın vəkillərin ümumi sayda payı 17 faiz təşkil edir, onların sayı 595 nəfərə çatıb.