Bakıda oğurluq və avtomobil qaçırmaqda şübhəli bilinən şəxslər saxlanılıb

Xəzər rayonu ərazisində iki fərdi yaşayış evindən və bir torpaq sahəsindən ümumilikdə 12 min manat dəyərində naqil və inşaat materiallarının oğurlanması faktı üzrə iki nəfər saxlanılıb. Bu barədə Daxili İşlər Nazirliyi məlumat yayıb. 

Xəzər Rayon Polis İdarəsinin 1-ci Polis Şöbəsi əməkdaşlarının keçirdiyi əməliyyat tədbirləri nəticəsində cinayəti törətməkdə şübhəli bilinən Əli Balayev (24 yaş) və Elgün Ağayev (27 yaş) saxlanılıblar.

Digər hadisə isə Binəqədi rayonunda qeydə alınıb. Bir vətəndaşa məxsus “Azsamand” markalı avtomobilin qaçırılması ilə bağlı aparılan araşdırma zamanı 27 yaşlı Fərid Ağayev və 25 yaşlı Emil Əhmədov saxlanılıb.

Faktlarla bağlı araşdırmalar davam etdirilir.

Aytac