Corab satan aktyor Allahverdi Yolçuyev teatra bərpa olunub

Sosial şəbəkələrdə corab satdığı görüntülərlə gündəmə gələn aktyor Allahverdi Yolçuyev Musiqili Komediya Teatrında işə bərpa edilib. Bu barədə aktyor Baku TV-yə açıqlama verib.

Yolçuyev bildirib ki, görüntülərin yayılmasından sonra geniş ictimai reaksiya yaranıb və Mədəniyyət naziri Adil Kərimli onunla əlaqə saxlayaraq vəziyyətini öyrənib. Aktyorun sözlərinə görə, aldığı təqaüd dərman xərclərini qarşılamadığı üçün əlavə gəlir mənbəyinə ehtiyacı olub.

Hazırda aidiyyəti qurumlar onunla maraqlanır və aktyorun sözlərinə görə, “corab satmaq artıq bir tarixə çevrilib”.