Bakı-Ələt-Qazax yolunda sürət həddi endirilir

Yol hərəkətinin təhlükəsizliyini artırmaq məqsədilə sabahdan etibarən Bakı–Ələt–Qazax–Gürcüstan sərhədi avtomobil yolunun Lökbatan dairəsindən Ələt qəsəbəsindəki “Azpetrol” yanacaqdoldurma məntəqəsinə qədər olan 50 kilometrlik hissəsində maksimum sürət həddi 110 km/saatdan 90 km/saatadək endiriləcək.

Bu barədə Azərbaycan Yerüstü Nəqliyyat Agentliyi (AYNA) məlumat yayıb.

Agentliyin bildirdiyinə görə, eynisəviyyəli, nizamlanmayan piyada keçidlərinin yerləşdiyi hissələrdə isə sürət limiti 70 km/saat olacaq. Hazırda ərazidə yeni yol nişanlarının quraşdırılması işləri davam edir.

Sürücülərə yeni tələblərə əməl etmələri tövsiyə olunur.