Azərbaycanda Hərbi Donanma Günü qeyd olunur

Azərbaycanda bu gün Hərbi Donanma Günü qeyd olunur. Bayram 1996-cı ildə eks prezident Heydər Əliyevin imzaladığı Fərmana əsasən təsis edilib.

Azərbaycanın ilk hərbi dəniz donanması 1918-ci ildə yaradılıb, müasir Hərbi Dəniz Qüvvələrinin əsası isə 1992-ci ildə qoyulub.

Hərbi Donanmanın formalaşmasında və kadr potensialının inkişafında Heydər Əliyevin mühüm rolu olub. 2000-ci ildən etibarən donanma öz rəsmi bayrağı altında fəaliyyət göstərir.

Hazırda Prezident İlham Əliyevin rəhbərliyi ilə Hərbi Dəniz Qüvvələrinin texniki bazası gücləndirilir. Donanma müasir silahlarla təchiz olunur və təlimlərdə iştirak edir.

Xüsusi təyinatlı dəniz piyadaları 44 günlük Vətən müharibəsində mühüm əməliyyatlara qatılıb və bir sıra ərazilərin azad olunmasında iştirak ediblər.

Aytac