Fiziki şəxslərin əmanətləri iyulda artıb - AMB

2025-ci ilin iyulunda Azərbaycanda fiziki şəxslərin əmanətləri 0.4% artaraq 15,114 milyon manata çatıb. Əmanətlərin 67.2%-i (10,159.1 mln. manat) milli valyutada, 32.8%-i (4,954.8 mln. manat) isə xarici valyutadadır. Bu barədə Mərkəzi Bankdan bildirilib.

Fiziki şəxslərin əmanət portfelinin 63%-i (9,519.9 mln. manat) müddətli əmanətlərdən ibarətdir. İyulda müddətli əmanətlər 1.2% (111.8 mln. manat) artarkən, tələbli əmanətlər 1% (58.7 mln. manat) azalıb.

Bank sektoru üzrə unikal müddətli əmanətçi sayı iyulda 3.3% (5,529 əmanətçi), ilin əvvəlindən isə 15.4% (23,183 əmanətçi) artıb.

Hüquqi şəxslərin tələbli depozitləri 16,141.1 milyon manat təşkil edib və hüquqi şəxslərin depozit portfelinin 74.9%-ni təşkil edir.

Gülnar