Azərbaycan, dələduzluqda ittiham olunan Tacikistan vətəndaşını ölkəsinə təhvil verib

Azərbaycan hüquq-mühafizə orqanları tərəfindən bu il həbs olunan və Tacikistanda təkrar və külli miqdarda dələduzluqda ittiham edilən Şaripova Rano Sirojevna vətəninə ekstradisiya olunub. Bu barədə Baş Prokurorluğun Mətbuat xidməti məlumat yayıb.

1973-cü il təvəllüdlü Şaripova barəsində Tacikistan Baş Prokurorluğunun vəsatəti əsasında Azərbaycan Baş Prokurorluğu tərəfindən ekstradisiya qərarı qəbul edilib.

Təhvilvermə prosesi “Mülki, ailə və cinayət işləri üzrə hüquqi yardım və hüquqi münasibətlər haqqında” 07 oktyabr 2002-ci il tarixli Konvensiyaya əsasən həyata keçirilib. Şəxs Ədliyyə Nazirliyinin Penitensiar Xidmətinə məxsus xüsusi konvoyun müşayiəti ilə Tacikistanın səlahiyyətli orqanlarına təhvil verilib.

Gülnar