“Tramp Marşrutu” Rusiya və İrans ciddi faydalar gətirəcək - Paşinyan

Ermənistanın Baş naziri Nikol Paşinyan Vaşinqtonda imzalanan sənədlərin təkcə Azərbaycan, Ermənistan, ABŞ və Türkiyə üçün deyil, həm də Rusiya və İran üçün “çox mühüm və misilsiz” iqtisadi faydalar verəcəyini bildirib.

Fox News telekanalına verdiyi müsahibədə Paşinyan qeyd edib ki, “Tramp Marşrutu” təşəbbüsü çərçivəsində İran Fars körfəzindən Qara dənizə qədər uzanan dəmir yolu infrastrukturuna çıxış əldə edəcək.

“Rusiya və İran iki ölkə arasında birbaşa dəmir yolu əlaqəsi qura biləcəklər,” –  o bildirib.

Onun sözlərinə görə, əgər bu razılaşmanın iqtisadi tərəflərinə diqqət yetirilsə, Rusiya və İran da “çox vacib və əslində görünməmiş dərəcədə əhəmiyyətli” üstünlüklər əldə edəcəklər.

“Məhz buna görə hesab edirəm ki, bu, çox önəmli bir razılaşmadır və həm iştirakçı ölkələrə, həm də beynəlxalq ictimaiyyətə sabitlik və təhlükəsizlik baxımından əhəmiyyətli faydalar gətirə bilər,” –  Ermənistan baş naziri vurğulayıb.

N.Təbrizli