ATƏT-in Minsk Qrupu sentyabrın 1-də ləğv edilə bilər

,ATƏT-in Minsk Qrupu və əlaqədar strukturların buraxılması ilə bağlı qərarın sentyabrın 1-də qəbul olunması gözlənilir. Bunu Azərbaycanın xarici işlər naziri Ceyhun Bayramov bildirib.

Nazir deyib ki, Azərbaycan və Ermənistanın birgə müraciəti təşkilatın hazırkı sədrinə təqdim edilib və üzv ölkələr arasında paylanıb.

Bayramov həmçinin Vaşinqtonda imzalanan üçtərəfli bəyannaməyə toxunaraq, ABŞ-da iki ölkə arasında sülh sazişinin imzalanmadığını, yalnız paraflandığını qeyd edib. Onun sözlərinə görə, bu, Azərbaycanın mövqeyinin ardıcıllığını nümayiş etdirir.

Avqustun 8-də Azərbaycan Prezidenti İlham Əliyev və Ermənistanın Baş naziri Nikol Paşinyan ABŞ Prezidenti Donald Trampın iştirakı ilə birgə bəyannamə imzalayıb. Sənəd tərəflərin sülhə və münasibətlərin bərpasına dair razılaşdırılmış mətni parafladıqlarını təsdiqləyir və onun ratifikasiyası üçün səy göstəriləcəyini bildirir.

Gülnar