50 mindən çox sakin işğaldan azad olunan ərazilərdə məskunlaşıb- Nazir

50 mindən çox sakin işğaldan azad olunan ərazilərdə məskunlaşıb. Bunu  Xarici işlər naziri Ceyhun Bayramov bildirib .

"işğaldan azad edilmiş ərazilərdə bərpa və quruculuq işləri ölkə üçün xüsusi prioritetdir. 

"Tamamilə dağıdılmış şəhər və kəndlərin yenidən qurulması istiqamətində genişmiqyaslı işlər davam edir. İşğaldan əvvəl mövcud olan 67 məsciddən 65-i dağıdılmışdı, onların bir qisminin bərpası artıq yekunlaşıb, digərlərində işlər davam etdirilir. Həmin ərazilərdə ciddi mina təhlükəsi hələ də qalmaqdadır.  2020-ci ildən bu günə qədər mina partlayışları nəticəsində 400-dən çox şəxs zərər çəkib, onlardan 70 nəfər həlak olub, digərləri isə ağır xəsarətlər alıblar. Azərbaycan bu istiqamətdə minatəmizləmə fəaliyyətlərini fasiləsiz şəkildə davam etdirir",- nazir vurğulayıb.

Aytac Zeynalova