Azərbaycan Aİ–Ermənistan sənədinə etiraz edib

Azərbaycan Brüsseldə qəbul edilmiş “Aİ–Ermənistan Tərəfdaşlıq Gündəliyi”ni post-münaqişə reallıqlarını təhrif etməkdən narahatlığını bildirir. Bu barədə Xarici İşlər Nazirliyinin bəyataında qeyd olunur. 

Bakı sənəddə “Qarabağ ermənilərinin qaçqın kimi təqdim olunmasını”, Beynəlxalq Ədalət Məhkəməsi üzrə müddəaların “Ermənistanın iddialarına istinad etməsini”, eləcə də müharibə cinayətlərinə görə məhkum edilmiş şəxslərin “əsir” kimi göstərilməsini qəbuledilməz adlandırıb.

XİN həmçinin Ermənistanın “Sülh kəsişməsi” təşəbbüsünə çoxsaylı istinadların edilməsini, lakin Vaşinqton sammitində razılaşdırılmış TRİPP layihəsinə yer verilməməsini tənqid edib.

Bakı Aİ-nin Ermənistandakı monitorinq missiyasının genişləndirilməsinin paraflanmış sülh sazişinə zidd olduğunu bildirib və sənəddəki müddəaların Ermənistanın hərbiləşməsinə xidmət etdiyini qeyd edib.

Azərbaycan Aİ və Ermənistandan “zərərli müddəaların” aradan qaldırılmasını gözlədiyini və vəziyyəti izləyəcəyini açıqlayıb.

Aytac