Əliyev Robert Fitso ilə təkbətək görüşüb - Yenilənib

Dekabrın 9-da Bratislavada İlham Əliyev ilə Robert Fitso arasında təkbətək görüş keçirilib.

Görüş zamanı tərəflər Azərbaycan-Slovakiya strateji tərəfdaşlıq münasibətlərinin inkişafından məmnunluq ifadə ediblər. Slovakiya Baş nazirinin əvvəlki ildə Azərbaycana, hazırda isə Prezidentin Slovakiyaya səfərinin ikitərəfli əlaqələrin genişləndirilməsinə vacib töhfə verəcəyi vurğulanıb.

Siyasi münasibətlərin yüksək səviyyədə olduğu bildirilib və digər sahələrdə — iqtisadiyyat, bərpa, investisiya və.s əməkdaşlıq üçün geniş imkanların mövcudluğu qeyd edilib.

Fitso, eyni zamanda, Azərbaycan ilə Ermənistan arasında sülh gündəliyinin irəli aparılmasında son nailiyyətləri qeyd edərək Əliyevi təbrik edib. Prezident minnətdarlığını bildirərək regionda sülhün təminatı istiqamətində Azərbaycanın səylərini davam etdirəcəyini deyib.

Görüşdə, həmçinin, işğaldan azad edilmiş torpaqlarda Slovakiya şirkətlərinin iştirakı müzakirə olunub və bu sahədə iki ölkə arasında əməkdaşlığın gələcək perspektivləri haqqında fikir mübadiləsi aparılıb.

***

Dekabrın 9-da Bratislavada Azərbaycan Respublikasının Prezidenti İlham Əliyevin Slovakiya Respublikasının Baş naziri Robert Fitso ilə təkbətək görüşü olub.

Slovakiyanın Baş naziri dövlət başçısını qarşılayıb.