Əliyev Keniyanın Müstəqillik Günü münasibətilə təbrik ünvanlayıb

Azərbaycan Prezidenti İlham Əliyev Keniyanın milli bayramı – Müstəqillik Günü münasibətilə bu ölkənin dövlət başçısı Uillyam Samoei Rutoya təbrik məktubu göndərib.

Dövlət başçısı məktubunda Azərbaycan-Keniya münasibətlərinin inkişaf səviyyəsindən məmnunluğunu ifadə edib və iki ölkə arasında energetika, kənd təsərrüfatı, sənaye də daxil olmaqla müxtəlif sahələrdə əməkdaşlığın genişləndirilməsinə böyük önəm verildiyini bildirib.

Prezident İlham Əliyev sentyabr ayında Nyu-Yorkda baş tutan görüşü xatırladaraq, qarşılıqlı etimad və səmimiyyət şəraitində aparılan müzakirələrin ikitərəfli və çoxtərəfli əməkdaşlığın daha da dərinləşməsinə töhfə verəcəyinə inandığını vurğulayıb.

Məktubda Keniya Prezidentinə möhkəm cansağlığı, fəaliyyətində uğurlar, dost Keniya xalqına isə əmin-amanlıq və rifah arzulanıb.