İlham Əliyev İsveçrə Prezidentinə başsağlığı verib

Prezident İlham Əliyev İsveçrə Prezidenti Gi Parmelinə Crans-Montanadakı faciəvi yanğında həlak olanların yaxınlarına və İsveçrə xalqına başsağlığı verib.

Rəsmi başsağlığı məktubunda qeyd olunub ki, Crans-Montana kurortunda Yeni il gecəsi “Le Constellation” barında baş vermiş yanğın nəticəsində çoxsaylı tələfat xəbəri bizi olduqca kədərləndirdi.

Prezident İlham Əliyev öz adı və Azərbaycan xalqı adından həlak olanların ailələrinə və yaxınlarına dərin hüznlə başsağlığı verir, yaralananlara şəfa arzulayır.

Kran-Montanadakı Le Constellation barında 1 yanvar gecəsi baş verən yanğın nəticəsində təxminən 40 nəfər ölüb və ən azı 115 nəfər yaralanıb.