Ərdoğan Əliyevi "Zayed İnsan Qardaşlığı Mükafatı" alması münasibətilə təbrik edib

Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevi “Zayed İnsan Qardaşlığı Mükafatı” alması münasibətilə təbrik edib. Ərdoğan bunu Əbu-Dabidə keçirilən mükafatlandırma mərasimində yayımlanan videomüraciətində bildirib.

O, həmçinin bu ilin mükafatını alan Ermənistan Baş naziri Nikol Paşinyanı da təbrik edib. 

Türkiyə lideri çıxışında bildirib ki, Prezident Əliyevin atdığı cəsur addımlar və Paşinyanın qətiyyətli iradəsi davamlı sülhün bərqərar olması üçün vacibdir. O əlavə edib ki, bu razılaşma ilə Qafqazda yeni bir səhifə açılacağına inanır. 

Ərdoğan Türkiyənin bölgədə və dünyada sülhə, əmin-amanlığa, rifaha və sabitliyə yönələn təşəbbüsləri dəstəklədiyini vurğulayıb və Qafqazda davamlı sülhün təmin olunmasına dəstək verəcəyini bildirib.