Ramiz Mehdiyevin ev dustaqlığı daha dörd ay uzadılıb

 Prezident Administrasiyasının sabiq rəhbəri Ramiz Mehdiyev barəsində seçilmiş ev dustaqlığı qətimkan tədbirinin müddəti daha dörd ay uzadılıb.

Dövlət Təhlükəsizliyi Xidmətinin müstəntiqinin vəsatəti əsasında təqdimata Səbail Rayon Məhkəməsində baxılıb. Məhkəmə təqdimatı təmin edib.

DTX-də başlanmış cinayət işi çərçivəsində Ramiz Mehdiyev Azərbaycan Respublikası Cinayət Məcəlləsinin 278.1 (hakimiyyəti zorla ələ keçirməyə və konstitusiya quruluşunu zorla dəyişdirməyə yönələn hərəkətlər), 274 (dövlətə xəyanət) və 193-1.3.2 (cinayət yolu ilə əldə edilmiş əmlakın leqallaşdırılması) maddələri ilə ittiham olunur.

Cinayət işi çərçivəsində Əli Kərimli, onun müşaviri Məmməd İbrahim, həmçinin AMEA Katibliyinin keçmiş rəisi, Prezident Administrasiyasının sabiq əməkdaşı Eldar Əmirov həbs edilib. Həmin şəxslər barəsində seçilmiş həbs qətimkan tədbirinin müddəti də daha dörd ay uzadılıb.