İlham Əliyev: Azərbaycan İranın Livandakı əməkdaşlarının təxliyəsinə yardım edib

Bu gün səhər İranın xarici işlər nazirinin müavini Bakıya zəng edərək xahiş edib ki, İran səfirliyinin Livanda qalmış əməkdaşlarının təxliyəsinə Azərbaycan kömək etsin. Bunu Azərbaycan Prezidenti İlham Əliyev bildirib.

Prezident deyib ki, dərhal göstəriş verilib və Azərbaycan tərəfi təyyarə ilə yardım göstərib, hətta İran tərəfi bunun pulunu ödəməyə hazır olduğunu bildirib, lakin Azərbaycan bunu qəbul etməyib.

“İndi dar gündə biz kömək göstərməsək, bəs nə vaxt göstərməliyik?” – İlham Əliyev vurğulayıb.

Dövlət başçısı həmçinin bildirib ki, bu yardım göstərilməsinə baxmayaraq, Naxçıvana pilotsuz uçuş aparatları ilə zərbə endirilməsi qəbuledilməzdir.

“Bütün bunların müqabilində çirkincə, namərdcə, nakişi kimi Naxçıvana zərbə endirmək – bu ləkə onların çirkin və eybəcər simasından heç vaxt silinməyəcək”, – o qeyd edib.

Aytac Zeynalova