Türkiyə XİN Naxçıvana dron hücumunu pisləyib

Türkiyənin Xarici İşlər Nazirliyi Naxçıvan Muxtar Respublikasına pilotsuz uçuş aparatları ilə həyata keçirilən hücumu pisləyib və bunun regionda müharibənin genişlənməsi riskini artırdığını bildirib.

Nazirliyin yaydığı bəyanatda qeyd olunub ki, üçüncü ölkələri hədəf alan bu cür hücumlar gərginliyi artırır və onların dərhal dayandırılması vacibdir.

“Bölgədə üçüncü ölkələri hədəf alan və müharibənin yayılması riskini artıran bu cür hücumlara dərhal son verilməlidir. Türkiyə bundan sonra da hər zaman olduğu kimi Azərbaycanın yanında olmağa davam edəcək”, — bəyanatda bildirilib.

Aytac