Polşa Ali İnzibati Məhkəməsi xaricdə bağlanmış eynicinsli nikahları tanıyacaq

Polşa Ali İnzibati Məhkəməsi qərar verib ki, Avropa İttifaqının digər ölkələrində bağlanmış eynıcinsli nikah Polşada tanınacaq.

Qərar Avropa Məhkəməsinin 2025-ci il noyabr ayında verdiyi hökmə əsaslanır. Həmin hökmə görə, belə nikahların qeydiyyatından imtina Aİ qanunvericiliyini pozur, sərbəst hərəkət və yaşayış hüququnu, həmçinin şəxsi və ailə həyatına hörmət hüququnu məhdudlaşdırır.

Polşa Ali İnzibati Məhkəməsi bildirib ki, eynicinsli şəxslərin nikahının qeydə alınması ölkənin hüquq sisteminin əsas prinsiplərinə zidd deyil. Qərarda vurğulanıb ki, yerli qanunvericilik nikahı hələ də kişi və qadın arasında kimi müəyyən etsə də, eynicinsli nikahların tanınması milli kimliyə zidd sayılmır və Polşanın ailə siyasətində müstəqil qərarvermə səlahiyyətlərini məhdudlaşdırmır.

Qeyd olunur ki, təxminən 40 min Polşa vətəndaşı xaricdə eynicinsli nikah bağlayıb.