Rasim Balayev Birinci Fəxri xiyabanda dəfn olunub - Yenilənib

Xalq artisti Rasim Balayev Birinci Fəxri xiyabanda dəfn olunub.

***

Xalq artisti Rasim Balayevlə Akademik Milli Dram Teatrında keçirilən vida mərasimi başa çatıb.

Vida mərasimində Baş nazir Əli Əsədovla yanaşı, nazirlər, deputatlar, görkəmli aktyorun ailə üzvləri, sənət dostları, mədəni-ictimai xadimlər və media mənsubları iştirak ediblər.

Mərasimin ardınca Xalq artistinin nəşi dəfn olunmaq üçün Birinci Fəxri xiyabana aparılıb.

***

Prezident İlham Əliyev və Birinci vitse-prezident Mehriban Əliyeva Xalq artisti Rasim Balayevlə vida mərasiminə əklil göndəriblər.

***

Xalq artisti Rasim Balayevlə Akademik Milli Dram Teatrında vida mərasimi keçirilir.

Vida mərasimində aktyorun ailə üzvləri, sənət dostları, mədəni-ictimai xadimlər və media mənsubları iştirak edirlər.

***

Xalq artisti Rasim Balayevin cənazəsi Türkiyənin İstanbul şəhərindən Bakıya gətirilib.

Rasim Balayevlə vida mərasimi bu gün, saat 12.00-13.30 Azərbaycan Dövlət Akademik Milli Dram Teatrında baş tutacaq.

Xalq artisti Birinci Fəxri Xiyabanda torpağa tapşırılacaq.

***

Xalq artisti Rasim Balayev I Fəxri Xiyabanda dəfn ediləcək.

Bu gün axşam saatlarında Xalq artistinin cənazəsinin Bakıya gətirilməsi nəzərdə tutulub.

Sabah isə mərhum sənətkarla Akademik Milli Dram Tetarında vida mərasimi keçiriləcək.

***

Azərbaycanın Xalq artisti Rasim Balayev vəfat edib.Bu barədə Azərbaycan Kinematoqrafçılar İttifaqından məlumat verilib.

Xalq artisti Türkiyədə müalicə aldığı xəstəxanada vəfat edib.