XİN: 31 Mart soyqırımı qurbanlarının xatirəsi anılır

Azərbaycan Xarici İşlər Nazirliyi 31 Mart – Azərbaycanlıların Soyqırımı Günü ilə bağlı bəyanat yayıb.

Bəyanatda qeyd olunur ki, 1918-ci ilin mart hadisələrindən 108 il ötür və həmin dövrdə radikal erməni qruplaşmaları tərəfindən azərbaycanlılara qarşı kütləvi qətliamlar törədilib. Bildirilir ki, Bakı Sovetinin təxminən 6 min, Daşnaksutyun partiyasının isə 4 minə yaxın silahlı üzvünün iştirakı ilə həyata keçirilən hücumlar etnik təmizləmə siyasətinin nümunəsi olub.

Nazirlik vurğulayır ki, Stepan Şaumyan-ın dövrünə aid etirafları hadisələrin “əksinqilabçılıqla mübarizə” adı altında milli nifrət zəminində törədildiyini göstərir.

Qeyd edilir ki, Bakı, Quba, Şamaxı, Qarabağ, Naxçıvan və digər bölgələrdə baş verən hadisələr nəticəsində on minlərlə azərbaycanlı qətlə yetirilib. Təkcə Qubada 16 mindən çox insanın öldürüldüyü, 167 kəndin dağıdıldığı bildirilir.

Bəyanata görə, Azərbaycan Xalq Cümhuriyyəti dövründə hadisələrə siyasi qiymət verilməsi istiqamətində addımlar atılsa da, bu proses yarımçıq qalıb. Müstəqillikdən sonra isə Heydər Əliyev-in 1998-ci il tarixli fərmanı ilə soyqırımı hadisələrinə hüquqi-siyasi qiymət verilib.

XİN bildirir ki, bu siyasət sonrakı dövrlərdə də davam edib və kütləvi deportasiyalar, o cümlədən Xocalı soyqırımı kimi hadisələrlə müşayiət olunub.

Nazirlik sonda qeyd edir ki, Azərbaycan xalqı bu faciələri unutmayacaq və soyqırımı qurbanlarının xatirəsi hər il dərin ehtiramla yad edilir.