Böyük Britaniya Səudiyyə Ərəbistanına HHM sistemləri göndərəcək

Böyük Britaniya Səudiyyə Ərəbistanına hava hücumundan müdafiə sistemləri tədarük edəcək.Bu barədə ölkənin müdafiə naziri Con Hili ITV telekanalına açıqlamasında bildirib.

Onun sözlərinə görə, "Sky Sabre" HHM komplekslərinin bu həftə ərzində çatdırılması planlaşdırılır və sistemlər britaniyalı mütəxəssislər tərəfindən idarə olunacaq.

Nazir həmçinin Küveytə "Rapid Sentry" hava hücumundan müdafiə sisteminin yerləşdirildiyini açıqlayıb.

Bundan əlavə, Qətərdə əlavə "Eurofighter Typhoon" qırıcılarının yerləşdirildiyi və Bəhreynə qısa mənzilli zenit-raket komplekslərinin verildiyi bildirilib.