Latviya Prezidenti gələn həftə Azərbaycana səfər edəcək

Gələn həftə Latviya Prezidenti Edqars Rinkeviçsin Azərbaycana səfəri gözlənilir. Bu barədə Latviyanın kənd təsərrüfatı naziri Armands Krauze deyib.

"Yüksək səviyyəli səfər gələn həftəyə planlaşdırılıb. Latviya Prezidenti Edqars Rinkeviçsin çərşənbə günü Azərbaycana səfərə gələcəyi gözlənilir", - o deyib.

Latviya Azərbaycanın müstəqilliyini 8 yanvar 1992-ci ildə tanıyıb. İki ölkə arasında diplomatik münasibətlər 11 yanvar 1994-cü ildə  qurulub.

Azərbaycan Respublikasının Latviyada səfirliyi 2005-ci ildə, Latviyanın Azərbaycanda səfirliyi isə 2006-cı ildə açılıb.

Aytac Zeynalova