Prezident Vaşinqtonda baş verən atışma ilə bağlı paylaşım edib

Azərbaycan Prezidenti İlham Əliyev Vaşinqtonda Ağ Ev Müxbirləri Assosiasiyasının şam yeməyində baş vermiş atışma ilə bağlı «X» sosial şəbəkəsində paylaşım edib.

Dövlət başçısı paylaşımında hadisədən dərin sarsıntı keçirdiyini bildirib.

“Belə zorakılıq halları qəbuledilməzdir və qəti şəkildə pislənməlidir,” Əliyev qeyd edib.

Prezident, həmçinin Donald Tramp, birinci xanım və tədbir iştirakçılarının təhlükəsiz olmasının sevindirici olduğunu vurğulayaraq onlara təhlükəsizlik və rifah arzulayıb.