Deputat: Avropa İttifaqı bizim əlehimizə 13 qatnamə qəbul edib

Avropa Parlamenti tərəfindən Azərbaycana qarşı qəbul olunan qətnamələr qərəzli xarakter daşıyır. Bunu deputat Səməd Seyidov deyib. 

Onun sözlərinə görə, indiyədək Azərbaycanla bağlı 13 qətnamə qəbul edilib və onların hamısı ölkənin əleyhinə olub.

“Azərbaycanın uğurları bəzi dairələrdə qıcıq doğurur. Hər bir uğurumuzdan sonra bu mövzu ilə bağlı qətnamə qəbul olunub”, –  Seyidov qeyd edib.

Deputat bildirib ki, Azərbaycan hazırda Avropa üçün mühüm tərəfdaşa çevrilib və bu amil müəyyən siyasi addımlara təsir göstərir.

Seyidovun sözlərinə görə, əvvəlki dövrlərdə 720 deputatdan ibarət parlamentdə bəzi qətnamələrə cəmi 40 deputat səs verirdisə, son dövrlərdə Azərbaycanla bağlı məsələlər digər sənədlərin tərkibinə daxil edilərək səsverməyə çıxarılır.

O qeyd edib ki, bu yanaşma Azərbaycana qarşı mənfi mövqenin formalaşdırılması məqsədi daşıyır.

Avropa Parlamenti cümə axşamı Ermənistanın demokratik dayanıqlığının dəstəklənməsinə dair qətnamə qəbul edərək, Azərbaycanla bağlı bir sıra tənqidi müddəalar irəli sürüb. Rəsmi Bakı buna etiraz olaraq Avropa İttifaqının Bakıda səfirinə etiraz notası təqdim edib. 

Hazırda Milli Məclis qəbul olunan bu qətnaməyə etiraz olaraq cavab hazırlayır. 

Gülnar Nazimqızı