İlham Əliyev Polşa Prezidentini təbrik edib

Azərbaycan Prezidenti İlham Əliyev Polşa Prezidenti Karol Navrotskini ölkənin Konstitusiya Günü münasibətilə təbrik edib.

Dövlət başçısı məktubunda Polşa xalqını da bayram münasibətilə təbrik etdiyini bildirib.

Məktubda qeyd olunub ki, Azərbaycan ilə Polşa arasında münasibətlər tarixi ənənələrə əsaslanır və tərəflər dövlətlərarası əlaqələrin inkişafına xüsusi önəm verir.

Prezident İlham Əliyev iki ölkə arasında dostluq münasibətlərinin genişlənəcəyinə, strateji tərəfdaşlığın və həm ikitərəfli, həm də Avropa İttifaqı çərçivəsində əməkdaşlığın daha da inkişaf edəcəyinə ümidvar olduğunu bildirib.

Dövlət başçısı Polşa prezidentinə möhkəm cansağlığı və uğurlar, Polşa xalqına isə sülh və firavanlıq arzulayıb.