DİN: İnsan alverinə qarşı 2026-2030-cu illəri əhatə edən yeni fəaliyyət planı hazırlanıb

Azərbaycanda insan alverinə qarşı mübarizə üzrə 2026-2030-cu illəri əhatə edən yeni Milli Fəaliyyət Planı hazırlanaraq aidiyyəti qurumlara təqdim edilib. Bunu daxili işlər nazirinin müavini Seyfulla Əzimov Milli Məclisdə çıxışı zamanı bildirib.

Onun sözlərinə görə, sənəd 34 dövlət qurumu ilə razılaşdırılıb və gələcək dövr üçün strateji planlaşdırma çərçivəsində hazırlanıb.

Nazir müavini qeyd edib ki, yeni fəaliyyət planında preventiv tədbirlərin gücləndirilməsi, insan alveri qurbanlarının müdafiəsinin möhkəmləndirilməsi, cinayət təqibinin effektivliyinin artırılması və dövlət qurumları arasında koordinasiyanın inkişaf etdirilməsi əsas prioritet istiqamətlər kimi müəyyən olunub.

Əzimov əlavə edib ki, maarifləndirmə və profilaktik fəaliyyət də əsas istiqamətlərdən biri olub.

Onun sözlərinə görə, həyata keçirilən tədbirlərin əhatə dairəsi genişləndirilib və müxtəlif hədəf qrupları üzrə fərqli yanaşmalar tətbiq edilib.

Gülnar Nazimqızı