Yelo Bank Açıq Bankçılıq imkanları ilə bütün hesablarınızı eyni tətbiqdə birləşdirir

Rəqəmsal bankçılıqda innovativ addımları ilə seçilən Yelo Bank, müştərilərinə bütün bank hesablarını eyni tətbiqdən nəzarətdə saxlamaq üstünlüyü təklif edir. Açıq Bankçılıq (Open Banking) prinsipləri əsasında ərsəyə gələn bu yenilik sayəsində fərdi hesaba və ya bank kartına sahib olan Yelo Bank müştəriləri artıq digər banklardakı hesablarını da asanlıqla Yelo App-a əlavə edə biləcəklər.

Yeni funksiyanın müştərilər üçün əsas üstünlükləri:

• Bütün bank hesablarındakı qalıqları və hərəkətləri eyni tətbiqdə görmək;
• Tətbiqlər arası keçid etmədən kart və hesab qalıqlarını saniyələr ərzində yoxlamaq;
• Xərcləri vahid sistem üzərindən daha düzgün idarə etmək.

Layihənin əsas prioriteti rəqəmsal rahatlıqla yanaşı, həm də maksimum təhlükəsizlik və konfidensiallıqdır. Açıq Bankçılıq qaydalarına uyğun olaraq, müştərinin maliyyə məlumatları yalnız və yalnız onun şəxsi və rəsmi icazəsi (razılığı) müqabilində digər platformada əks olunur. Açıq Bankçılıq xidməti Azərbaycan Respublikasının Mərkəzi Bankının standartlarına uyğun fəaliyyət göstərir.

Gələcəkdə Yelo App üzərindən digər bank hesabları ilə birbaşa əməliyyatların icrası da mümkün olacaq. Bu rəqəmsal ekosistemə qoşulmaq üçün elə indi Yelo App-i yükləyin: //ylb.az/yeloapp.

Bank kalkulyatoru ilə bağlı əlavə sualınız var? O zaman 981 nömrəsinə zəng edin və ya Facebook, Instagram , Whatsapp və yelo.az hesablarımızı ziyarət edin.

Yelo Bank – Parlaq bankçılıq!